Walmart Announces Layoffs and Staff Relocations: वॉलमार्ट आय एन सि (Walmart Inc) – जगातील सर्वात मोठे किरकोळ विक्रेते आणि अमेरिकेतील सर्वात मोठी खाजगी कंपनी असून ती आता शेकडो कॉर्पोरेट नोकऱ्या कमी करत आहे. आणि बहुतेक दुर्गम भागातील कामगारांना कार्यालयात परत येण्यास सांगत आहे, वॉल स्ट्रीट जर्नलने सोमवारी रिपोर्ट केलेल्या प्रकरणाशी परिचित असलेल्या सूत्रांनी असे सांगितले.
रिपोर्ट केलेल्या बातम्यांनुसार, अटलांटा, डॅलस आणि टोरंटोमधील लहान कार्यालयातील कर्मचाऱ्यांना मोठ्या हबमध्ये जाण्याची विनंती केली जात आहे. ज्यामध्ये वॉलमार्टच्या बेंटोनविले, अर्कान्सास, होबोकेन आणि सदर्न सि येथील कॉर्पोरेट मुख्यालय येतात. जोपर्यंत कर्मचारी बहुतेक वेळा कार्यालयात राहून काम करतील तोपर्यंत कर्मचारी पार्ट-टाईम दूरस्थपणे म्हणजे रिमोटली काम करू शकतील, असे अहवालात म्हटले आहे.
वॉलमार्ट (Walmart) ही जगातील सर्वात मोठी किरकोळ विक्रेता आणि अमेरिकेतील सर्वात मोठी खाजगी कंपनी आहे, जी अमेरिका म्हणजेच US मध्ये सुमारे 4,600 स्टोअर्स चालवत आहे. नियामक फाइलिंग दर्शविते की वॉलमार्टने वर्षाच्या सुरुवातीला अंदाजे 2.1 दशलक्ष कर्मचाऱ्यांना त्यांच्या स्टोर मध्ये काम दिले.
कंपनीने गेल्या वर्षभरात आपले कर्मचारी कमी करण्याच्या हालचाली सुरु केल्या आहेत आणि गेल्या वर्षी एप्रिलमध्ये सांगितले होते की 2026 च्या आर्थिक वर्षाच्या अखेरीस तिच्या सुमारे 65% स्टोअर्स हे ऑटोमेशनद्वारे सर्व्हिस देऊन चालावले जातील अशी अपेक्षा आहे.
फेब्रुवारी 2023 मध्ये, (Walmart) कंपनीने तिची तीन यूएस (US) तंत्रज्ञान केंद्रे बंद केली आणि शेकडो कामगारांना त्यांच्या नोकऱ्या टिकवण्यासाठी स्थलांतरित होण्यास सांगितले, अधिक कर्मचाऱ्यांना कार्यालयातून काम करण्यास भाग पाडले.